Prompt animal pour chasser est le Chien,
Et compaignon tresfidéle à son maistre :
Car entre tous, il odore le sien,
Et les amys de luy fait bien congnoistre.
Tant povre soit, à aultre ne veut estre,
Mais vers luy vient à son seul reclamer,
Par un tel nom qu'il l'ha voulu nommer,
Et ne le fuit pour coups ne pour bature :
Doncq, pour prompt estre à servir et aymer,
L'amy fidelle ha du chien la nature.